ALANG TULOG

TAGPUAN, KAINAN....SAAN?

2008-01-25T04:29:00.000+08:00

Nais ko lamang pong ibahagi ang konting nalalaman tungkol sa mga lugar na puwedeng puntahan pag kumakalam na ang tyan.......

JOLLIBEE - kung nais mong praktikal at malapit na kainan, dito nyo po subukan, sa dami ba naman ng branch ito'y madaling matagpuan...hanapin po lamang ang bubuyog na nakasmile, pulang pula sa kulay madaling matandaan....dito kami madalas magpalipas ng hapunan, simpleng order lang may chicken joy ka at sofdrinks na regular..Kung tamad ka namang lumabas at medyo umuulan, i-dial lamang 8-7000 yan po ang hotline.

CHOWKING - kung hanap mo'y noodles o mainit na sabaw, wag nang magatubili dito'y puntahan...sari-saring putahe iyong pagpipilian, at meron pa silang bago tawag nilay chow fan...Paborito ko dito'y spareribs with sabaw, pero mag lauriat ka na lang pag tingin mo'y kulang, chicken, sweet sour, meron ding shanghai....at sa mga taong hanap ay anghang, yayain ang tropa dito'y subukan, may wanton beef noodles spicy man o regular...tyak paglabas mo'y sumisipol ka sa anghang...Pasensya na po di ko po nalaman ang kanilang hotline....

GOLDILOCKS - makapinoy bang pagkain ang tangi mong asam, maraming putahe ang dito'y matatagpuan, may bistik tagalog, nilaga, sinigang at ang natatangi sa lahat puto at dinuguan..At di lamang yan ang puwede mong tikman, may mga cakes din dito at ibat-ibang tinapay....Kayat sa paglabas mo't ito'y masilayan...sinisuguro ko ito'y babalik-balikan

MC DONALD - pagkaing banyaga ang dito'y tawag nila pagkat sa pangalan pa lang iyo nang mapupuna...di na kailangan pang magisip, manghula pagkat hango ito sa bansang Amerika..Sari-saring pagkain dito ri'y tinitinda, may burger hotdog, fries o mamili ka na...kung hanap mo'y desserts aba'y meron din sila..itanong nyo pa sa mga nagtitinda...

Sa mga katulad kong trabaho'y magdamagan, almusal dito'y bilhin sa murang halaga lamang, may pancake, longganisa, itlog at hash brown pa,..sabayan mo ng kape, tsokolate o tubig na...

INENG'S - dito naman po'y iba kanilang tinitinda, tinusok na karne at iniihaw pa, may karne, may isda pati na pugita, pagluluto dito'y iyong makikita, amoy ng order mo'y langhap na langhap na...

Bat di subukang ito'y sadyain, nang maranasan mo ang luto sa Ineng...

Hanggang sa muli.........

PAGKAGAT NG DILIM

2008-01-24T01:43:00.000+08:00

Unti-unting dumilat ang aking nga mata at napansin kong madilim na ang buong paligid, tahimik ang kanina'y sari-saring ingay kong naririnig dulot ng kabi-kabilaang pagpapatugtog ng radyo ng aming mga kapitbahay, pagiyak ng mga batang napikon sa kanilang paglalaro, tunog ng mga sasakyang walang patid kung magbusina dahil sa trapik na dulot ng isang paghuhukay...mga ingay na di na pinansin dulot na rin ng sobrang pagod ng katawan.

Habang ako'y nagmamasid, napansin kong patuloy paring umiikot ang propeller ng electric fan, hay naku summer na naman...ramdam na naman ang unti-unting paginit ng panahon, mga karanasang paggising mo'y pawisan ang buong katawan...mapalad ang mga may aircon na kahit papaano'y nakakadagdag ginhawa sa katawan ang lamig na kanyang binibigay...

Naalala ko rin na sa mga oras na ito'y kailangan ko na palang bumangon ng tuluyan pagkat oras na ng pasukan...mahirap mabigyan ng memo, bawas din sa kasikatan....kaya heto madalian na lang ang ligo, mapasadahan lang ng sabon ang katawan, makapagtoothbrush, pabango ng konti..ready to go na....

As usual abang ng jeep sa kalsada, habang nagaantay may tangang yosi sa pagitan ng mga daliring pinagkaitan ng tadhana para makatikim ng ginhawa...Habang patuloy sa pagtakbo ang sasakyang walang patid kung huminto dahil sa kali-kaliwang pumapara na sa tingin ko'y kapwa ko makikipagpuyatan na naman, sa di kalayuan ay napansin ko ang mga sasakyang naguumpisa nang magkanda buholbuhol. Parang pagong na lang kung umusad, minsa'y bigla kang mapapatakip ng tenga dahil sa walang patid na pagbubusina ng ibang sasakyang animo'y mga hari sa daan...

Minsan naiisip ko, anong nagagawa ng pagiingay kung alam naman natin na sa unahan pa lang ay di na magkamayaw sa pagsisiksikan. Sabi ko nga sa sarili ko bakit di na lang buksan ang stereo at daanin na lang sa pakikinig ng radyo ang lahat, sabi nga sa isang fm station "kailangan pa bang imemorize yan?"....

Pansin ko din ang kaliwa't kanang pagmamadali ng ibang taong ang hangad ay makauwi ng maaga sa kanikanilang tahanan, ang iba'y nagkukumahog sa pakikipagunahan sa pagsakay sa jeep para lang mahabol ang Koreanobelang sinusubaybayan. Kadalasan sa loob pa lang ng sasakyan ay usap-usapan na kung ano na ba nangyari kay Marimar, yung iba naman tungkol sa "Maging Sino Ka Man"....

Kaydaling lumipas ang oras heto't malapit na pala ako sa babaan, hanggang sa muli...minsan bakit di mo subukang pansinin ang ibat-ibang nangyayari pagsapit ng karimlan....habang ika'y naglalakbay...

MAKAPANGYARIHANG KAPE

2008-01-23T01:30:00.000+08:00

Marami sa atin ang nagsasabi na ang kape ay para lamang mabuo ang isang yugto ng almusal, ika nga'y sawsawan ng pandesal..napakalinis nating tignang mga pinoy, biruin mo hinuhugasan pa natin ang tinapay sa isang tasang kape ngunit sa bandang huli'y napalitan ng pandidiri sapagkat atin ding inuubos ang kapeng syang nagpalambot at luminis sa munting tinapay na syang dahilan ng lakasa natin sa umaga. (Patawa lang)

Marami rin ang nagsabing para maalis ang antok, sa pamamagitan nito'y nagigising ang diwa at patuloy na gumana ang utak para sa mga isiping gusto nating sulitin sa magdamag..tanda ko pa nung nasa college pa lang ako...bawat hagupit ng ng ibat-ibang klaseng exam ay sya ring araw na pinaghahandaan ang isang garapong kape, isang garapon din ng asukal na minsa'y hahamunin ng linamnam ng coffeemate...aba sosyal estudyante pa lang....bawas allowance din yan kaya black coffee na lang. Sabi ko nga sa mga kaklase ko anong panama ng mga brain vitamins sa sobrang mamahal...pakulo ka lang ng tubig, maghanda ng kutsara, ibudbod mo ang mahiwagang mga sangkap...solved...instant brain vitamin ka na...bakit di nyo subukan?

Ngunit iba ang karanasang dulot ng kape nung magsimula na akong mamasukan sa trabaho..sa kasawiang palad lahat ng napasukan ko'y puro magdamagan...ika nga ng iba'y takot ako sa araw..Nagsimula ang lahat nung unang araw na ipakilala ang vendo machine sa opisina, lahat yata ng ugat ko'y natuwa kasi nga ba naman bawas effort sa pagtitimpla, saksakan mo lang ng ilang pirasong barya..oooops..right away may coffe ka na...iba na talaga ang makabagong teknolohiya...Ngunit hindi dahil sa makinang yan ako natuwa kundi sa kadahilanang magiging araw-araw palang tagpuan naming magkakatrabaho, magkakaibigan ang lugar kung saan ang vendo ay matatagpuan..

Sa mga panahong kami'y nagkakape, di maiiwasang magkakuwentuhan, may malungkot, masaya, boring, alang nilalaman pero okay lang din naman...mahirap kayang ma-out of place kaya bira na lang ng bira bahala na saan mapunta ang usapan..Minsan nga may napipikon pero tawa pa din ang banat palibhasa non sense naman talaga at nakakpikon na ang paksa...Araw-araw sa bawat kabanata ng pagkakape, mariringgan mo ang mga kasama mo ng mga kuwento ng kanilang mga pangarap, pagpapakasakit, katanyagan at pagkapanalo sa isang bagay na kung saan sila ang bukod tanging pinalakpakan. Napakasarap isipin na sa munting pagsasalo-salo na akay sa kamay ay kape, maraming opinyon, karanasan, aral at mga pagpapaalala tayong natutuklasan....Nandyan pa ang lalong tumitibay na samahan, sa pamamagitan lamang ng pagaanyaya sayong magkape, ibayong pagpapahalaga ang mararamdaman...

Sa bandang huli, anong klase mang kape ang iyong tikman, mahal, instant, kahit ano pa yan, hanggat buo ang samahang binuo ng nakatagong sangkap nito, asahan mo talo pa nito ang makipagpenpal, phonepal...at kahit ano pang klase ng pal para lang makalikom ng mga tapat na kaibigan...

Sana kahit minsan makasama kitang magkape, upang ganap na maranasan at maramdaman ang kapangyarihan nitong taglay...

MIKROPONO/HEADSET

2008-01-22T03:33:00.000+08:00

Kawangis ka ng isang koronang sumisimbolo sa isang kapangyarihan, gabi-gabi kang gabay sa pagtugon sa tungkulin na ang adhikain ay masilbihan ang mga taong nangangailangan na tanging sa telepono lang mabibigyang katuparan.

Sa munting bulong na pilit na pinaparinig sayo'y katuparan ng isang bagay na nais mapagtagumpayan. Bukod tangi kang nilaan sa mga taong ang hangad ay makalikom ng papuri mula sa kabilang panig ng mundo na pilit na sumasalungat ngunit ang iba'y natitianod sa mabuting pakiusap at malamyos na pagpapaliwanag.

Hindi nga ba't napakapayak mong pagmasdan at maihahalintulad ka lang sa isang munting bagay na minsan ay kumukupas at dinadalaw ng kalumaan. Ngunit di natin alintana na sa isang kapirasong bagay ang hatid ay isang ganap na pagmulat at paglaban sa hirap na bunsod ng kawalang pagasa sa buhay. Hindi ba't sa pamagitan nito'y malaya nating nasasabi ang ating gustong ipahiwatig sa ibang tao ang ibat-iba nating saloobin, nabibigkas ang mga katagang sa tingin nati'y sa iba'y makakapagdulot ng katiwasayan sa pangaraw-araw na buhay.

Tinatangi ko ang sayo'y nakasuot at gumagamit bilang matibay na sandata..Nagiging ganap na mahusay na mandirigma ang sayo'y bumabanaag na sa patuloy na pakikibaka ay kasama ka, walang pagtalikod at walang alinlangang lupigin ang mga hadlang sa isang pangarap na hinubog na panahon na sayo'y natagpuan...

Maihahalintulad ka sa isang sandatang sa isang igkas ay lasap ang tagumpay laban sa mapalinlang na biro ng tadhana..Pakaingatan ka at sanay pahalagahan ka upang sa susunod na henerasyon ay magamit ka ng ibang taong ang tingin sa mundo ay puno ng lungkot, poot at karimlan...

SA KABILA NG KADILIMAN

2008-01-22T02:04:00.000+08:00

Malamig ang gabi, ramdam ko ang samyo ng hangin na bumabalot sa lugar na aking kinalalagyan dulot ng magdamagang pagandar ng makinang nagbibigay lamig sa buong magdamag. Tanging ang tunog ng pagtipa ko sa mga letrang nakaukit sa makinang syang naging matalik kong kaibigan ang tanging maririnig. Sa gitna ng katahimikang ito, unti-unting namuo sa aking isipan ang matinding isiping bakit ako narito, bakit patuloy na dilat ang mga mata na pilit na nilalabanan ang antok.....bakit nga ba?

Hindi ba dapat na sa mga oras na ito ay nakalapat ang katawan sa higaan, nagaantay na antukin habang nagmamasid at nanganagarap sa mga bagay na gustong gawin sa hinaharap. Kay sarap isipin na sa pagbukas ng bagong umaga ay makasalo ang mahal sa buhay sa isang munting almusal...pinagsasaluhan ang ilang pirasong pandesal, isang tasa ng mainit na kape na sa bawat higop ay nagdudulot ng matinding kabusugan kahit di nahahaluhan ng gatas na sa iba'y nakagawian....

Sa kabila ng mga isiping ito'y namuo ang isang ngiti sa mga labi, aking napagtanto ang buong paliwanag bakit ako narito, pilit nilalabanan ang pagtiklop ng mata, patuloy na pinalalakas ang katawan dulot na rin ng kakulangan sa pahinga...Mga paliwanag na sinagot ng ibat-ibang karanasan ng kapwa ko nagpupuyat...Sa kabila ng kadiliman na pilit kong binabagtas ay masisilayan mo ang isang pagasa na syang tanging makakapagpalakas sa ating kalooban. Hindi pala lahat ng dulot nito'y kawalan ng pagasa....Marami pala ang tulad ko na sa kabila ng pagpupuyat ay patuloy ding binubuo ang mga pangarap, patuloy na nagsisikap upang mabigyang katuparan ang mga mithiin na kahit kapirasong pagasa ay matugunan ng payak na katotohanan....

Sa pagtatapos ng isang magdamag at pagkupkop ng malamig na hangin sa mahinang katawan ay mababanaag ang isang pagasa, na sa kabila ng puyat na gabi-gabing nilalabanan ay mabubuo ang mga munting pangarap. Syang maging daan sa muling pagsasama-sama ng isang munting pamilya na puno ng buhay at kasayahan.....Kadiliman, bagong pagasa, bagong pangarap......

ANAK MARALITA, TULA NG PUYAT

2008-01-19T05:49:00.000+08:00

Akoy nakatira sa dampang bungalow
Hamak na Marlboro po lamang ang aking sigarilyo
Nagdidildil na lang sa hamon at adobo
Pobreng Senadores ang kasa kasama ko

Pagbaba ko ng bahay sapatos koy adidas
Sa Hotel Intercon ako pumaparoon
Nagtitiis na lang sa kamiseta kong Arrow
At sa aking Levis na pantalon

Mga pandak kong bodygurads pawang mga 6 footer
Mabababa ang suweldo, bente mil lamang
Silay mga lumpo't karatista't blackbelter
Asintado pa kung silay mamaril

O kay hirap naman ng maging mahirap
Limampu ang kotse, limampu rin ang trak
Hindi pa kasama ang karag karag
Service ng alila ko'y pati gulong kumikintab

Minsan isang araw ako'y nawalan ng gana sa pagkain
Sapagkat ako'y sawang sawa na sa mga ulam namin
Kaya't ang ginawa ko sumaglit muna sa Spain
Laking malas naman ang ulam doon puro fried chicken

Akoy may kotseng pinangalanan kong Mustang
Na kung naputikanna'y akin nang iniiwan
Hanggang dito na lang ang aking nakayanan
Sapagkat kumakalam na ang aking butihing tiyan

BATANG HAMOG, BUHAY TELEPONO

2008-01-19T03:30:00.000+08:00

"Gabi na naman...kailangan na namang gumising, maghapunan, maligo...pagod na ang araw para sa kanyang maghapon titig sa buong kalupaan.....

Nagkalat na sasakyang jeep paglabas ng bahay and syempre bili muna ng isang paketeng Marlboro bago sumakay sa napiling sasakyan...ma bayad ko po..aba unang expense P7.50, ala kang lusot sa patuloy na pagtaas ng minimum fare para sa pampublikong sasakyan..ika nga PUV....

Sa loob ng jeep, naging libangan ko ang magbilang ng pasahero..on a daily basis maximum of 20 hanggang opis....sa loob din ng sasakyan marami kang puwedeng magawa..kagaya ng tumingin sa reaksyon ng mga walang patid na nagtetext, tumatawag kasi nga nakaunlimited....naghihikab sanhi ng maghapong trabaho....minsan pati amoy ng mga kapwa ko pasahero pinagkakaabalahan ko na rin....

Eto na, pagdating sa opis syempre kailangan mong ipabasa ang isa sa yung daliri para sa timekeeping..aba masyadong hi-tech...pano kung di mabasa ang mga daliri mo...isa yan sa mga bugs sa ganyang sistema...BIOMETRIC ISSUE.....pero laking tulong din kasi organize ang logs and data na nalalagay sa database....madaling magcompute ng sasahurin mo.....

Pagdating sa loob ng opis, syempre unang aatupagin ay ang pagbukas ng computer para magcheck ng email...may nagalit ba o may pumuri sa akin....after all email read...syempre bukas IE, check your friendster account...aba daming updates, testi, uploaded pictures, comments, newly added friends...etc....

Ano ba yan, alang nagcomment, alang testi pero may nagview....hehehehe...consolation prize ika nga....after checking all of the internet stuff...umpisa na ng pagkakalat ng ingay sa production floor...ihanda na ang listahan ng mga tatawagan at iistorbohin sa kabilang lupain....OOOPS...tawag ako ng Ops Manager...meeting daw...sige na nga bawas oras din yun...syempre pa kameeting mga client sa US...aba matinding inglesan to...pero kaya pa naman....Haay sa wakas natapos din...

Balik na lang ako sa station ko para bantayan ang mga makinang nagpapakalat ng kaistorbohan sa tate, syempre mayamaya na tahimik na kasi lahat ng agent nakaupo na, pinupokpok ang kausap sa produktong binebenta...aba antitindi talaga ng pinoy...abay sa telepono akala mo isang kano/kana ang kausap ng mga kano....may nagboboses babae, may mukhang lalake, may mukhang ewan ko magulo....mahirap ifigure out kung saan sya sa gender sa mundo...pero lahat naman pawang masisipag at matatalino....proud to be pinoy!

Kung ok na lahat, balik sa upuan para sa ibang gawaing nakakabawas sa linaw ng mata....oops trabaho muna ako...

ITUTULOY.......................